Alastair Howard Robertson
ken: know, understand
gar: make, cause to
yon: those (over there)
fa’: fate, destiny (also: fall)
thrang: close to, friendly with
I ken the way into the fire Whaur gae’d the Greek lad wi’ his lyre And found ae end o’ hairt’s desire To gar the greit gray stanes ring out And mak yon stairs bricht wi’ the sun He sang as sure as he evir sung And he pleyed as true as micht ranson Hell But he pleyed the traitor to himsel’ Whaen a’ the pley was done. For he turned his heid and he doubted a’ He thocht it siccar, whate’er he saw; He doubted his ain sang and brocht his fa’; And on yon stairs she danders aye — His flesh, they rent it thigh fra’ thigh His banes had nae kenned place to lie When daith cam to him soon. Think ye but pain wad sinßg sae lang? Their luv wi’ time wad be sae thrang? that ye cud thole the wurds she sang? Caulder than the warld’s winds they blaw; I hae heard them aye ahint the day, they shear the flourish off the may, And whit can ony luver say Syne Orpheus was unstrung?